Hopi hende ta pone nan speransa riba e vacuna cu ta na caminda. Dr. Vallejo sinembargo ta recorda tur hende cu apesar di e vacuna, e virus no ta disparce di mundo.
Na e momentonan aki tin diferente vacuna cu a wordo desaroya. E vacunanan Mericano ta completamente diferente na esunnan Europeo, segun Carlos Vallejo. Un vacuna nunca ta actua di e mesun forma cu e epidemia. Ta papia di un epidemia ora cu un element biologico (un curpa) bini di un otro parti y ta invade cierto area. E no ta solamente integra den e area ey, pero ta cuminsa reproduci su mes. Dado momento nan ta bira endemico, normal cu nan tey.
Un vacuna ta bay di casi mesun forma. Unabes cu e virus drenta bo curpa, e celulanan asesino lo mester actua contr dje. Nan mester reconoce e particular di e virus como algo straño den e curpa pa mat’e.
Si un comunidad no haya algo cu ta protégé e situacion ta sigui igual. Cu un vacuna tin prospecto pa atende mas cu 40% di e población. No metser lubida cu e virus aki no ta bay disparce. “Ningun virus ta bay disparce di e planeta. Simplemente e ciudadano ta bay siña biba cu e virus, manera cu bo ta biba cu e bacterianan cu tin den bo tripa. Si bo tuma un antibiotic of mata e bacterianan, bo por mira hopi malo. Bo mester di e bacterianan di bo tripa, di bo boca pa sigui biba.
Vacunanan antes tabata wordo haci cu elementonan natural, esta cu e propio virus mes, morto of biba. Tabata hinca nan den e vacuna y esey ta crea anticurpa ora cu duna un persona esaki.
