Pa payaso y trahadonan t’ey ta loke Diego de Cuba di sindicato a bisa awe na momento cu trahadonan di ELMAR a bay den accion pa mustra nan malcontento.
E dos sindicatonan di ELMAR a uni pa mustra e malcontento cu ta existi bou di e trahadonan. Tin hopi forma pa yuda contribui cu e caha di gobierno y hasta dunando nan aporte, via di un reduccion. Pero no manera cos a sosode awo.
El a bisa cu por ehempel nan no ta mira sentido den existencia di e compania Utilities cu ta maneha ELMAR y WEB. E ta trece gastonan extra so cu ta bini for di caha di e empresanan aki. Gastonan cu no ta necesario na huur di edificio, personal, etc. P’esey por cuminsa na baha e gastonan door di deshaci di Utilities NV. E ta un opinion cu e sindicato ALVAST, cu ta representa e trahadonan den posicion mas halto, tambe ta comparti.
E problema pa e trahadonan a cu aña pasa a yega na un acuerdo pa entrega di e 12.6% pa un periodo cu ta caduca dia 31 di december, 2020. Adelanta a informa gerencia cu e protocol ta bay vence y cu e trahadonan no ta bay entrega sin mas. Y pa sorpresa gerencia a informa trahadonan cu a kita e 12.6% y a paga salario di biaha, sin duna chens pa papia. Y esaki ta e problema cu nan tin
Na diferente ocasion ultimo dianan a bisa cu nan kier mustra nan solidarismo, pero na mesa mester negocia esaki y no tuma decision di forma unilateral.
Awe nan a bay den un accion di dos ora, mientras cu e sindicatonan a drenta paden pa reuni cu gerencia. Si no logra acuerdo cu lo haci uzo di Mediador di Gobierno of ta bay Corte.
