Aunke su abogado tabata kere cu awe lo por a lague den libertad, Hues Comisario a dicidi otro. A prolonga detencion di Leoncita Arends pa 8 dia mas.
Leoncita Arends ta deteni pa investigacion di e caso Avestruz den cual a haya tereno di gobierno y despues a haci negoshi cu ne, siendo cu esaki no ta permiti. Esaki ta e sospecho cu tin y cu ministerio publico ta investiga.
Prome autoridadnan a detene su yiu muhe Rebecca y e homber Jeff Franken, kendenan mientrastanto ta den libertad. Despues a detene Ninosca y Gaby Werleman. E ultimo aki tabata un tempo consehero di exminister Benny Sevinger.
Avestruz ta un caso cu investigacion a cuminsa na 2019 y ta menciona cu e tin un rabo hopi largo. E exminister Sevinger a wordo interiga dos biaha caba.