LocalFeatured

Minister Ursell Arends: BCI y DOW a bin ta activa riba e sushedad y a acorda cu lo haci e cooperacion mas fuerte ainda

Bci Y Dow A Bin Ta Activa Riba E Sushedad Y A Acorda Cu Lo Haci E Cooperacion Mas Fuerte Ainda

Durante transcurso di siman pasa a bin ta comunica ariba e esfuersonan pa loke ta trata e maneho di desperdicio. Tambe a tene diferente reunion pa e posibilidadnan pa fortifica cooperacion entre departamentonan y optimalisa e recursonan disponibel. 

Un di e puntonan di accion cu a sali di e reunion tabata cu DOW ta comprometi pa aloca mas ploeg y lo uni efectivamente na e ‘meldingsysteem’ di FIXI. Esaki ta yuda pa atende cu e kehonan na un manera mas eficiente y rapido. 

FIXI ta un aplicacion cu a wordo lansa aña pasa na fin di october pa asina empodera ciudadanonan cu mira algo cu ta robes, pa nan por raporta esaki y tin e confiansa cu e raportahe ta yega na e instancia concerni. Riba e plataforma di FIXI ciudadano por entrega keho encuanto e.o. dump ilegal, holo malo, hende cu ta tira sushi for auto etcetera. 

Gobierno di Aruba ta prepara pa atende cu e reto di desperdicio pero e lucha no ta di gobierno solamente. Nos ta invita ciudadano pa haci uzo di e aplicacion FIXI si tin cualkier keho cu ta desea di alerta e departamentonan di BCI, Santa Rosa, DNM, Serlimar y DOW. E aplicacion ta yuda tambe pa colecta datos unda por monitor y mehora e informacion comparti entre e departamentonan. Datos ta garantisa cu e esfuersonan pa cu e maneho ta wordo midi y evalua corectamente cual ta permiti pa miho decisionnan y ahustacion na e strategia ora ta necesario. Por ehempel por asigna mas ploeg na cierto bario of involucra Korps Politie Aruba(KPA) pa control si acaso mester parti boet. 

Por download e FIXI app gratis riba www.fixi.aw of via App Store y Google Play. Por uza e website tambe pa duna keho. 

Related posts

Project Team Drugspanden cu entrada hudicial na un cas na Weg Rooi Hundo

EA News Author

Seminario tocante derecho di compania pa Business Community

EA News Author

Minister Maduro riba Presupuesto 2023: Den 3 aña di tempo a reduci e deficit presupuestario di 1028 pa 25 miyon florin

EA News Author

1 comment

Leave a Comment

Whatsapp Message