Ayera nochi pa mas o menos diesun or e Sentro di Kordinashon di Wardakosta (RCC) a detektá riba radar unkontakto sospechoso ku tabata bini direkshon di Kòrsou. Mes ora a alarmá e Punto di Sostén di Wardakosta na Parera. Imediatamente a manda un Metal Shark direkshon di e kontakto pa interseptá esaki. A para e go-fast un miya pafó di Caracasbaai. Mester a los dos tiru di advertensha pa stop e boto. A hañja diesdos (12) homber , seis (6) hende muhe , turku nashonalidat Venezolano, i dos para eksotiko di e tipo Wacamaya. A entregá tur persona na polis anto e paranan na departamento veterinario.
Wardakosta a interseptá go-fast ku dìesocho ilegal
