PoliticaFeaturedLocal

Minister Xiomara Maduro di Finansa: Aruba ta introduci un Garantia di Deposito pa sigura pago na e consumidor di un parti di e fondonan cu nan tin na banconan comercial

Minfic 301221

Desde e crisis financiero di 2008, paisnan rond di mundo a introduci un garantia di deposito pa asina brinda e consumidornan e confiansa cu na momento cu presenta un crisis financiero y cu institutonan financiero no por cumpli cu nan obligacion financiero, e consumidor por ta sigura di haya un parti di e fondonan cu nan a deposita na e instancia financiero. Pa haci e cambionan aki posibel, Parlamento di Aruba a cambia articulo 47a di e Ley di Supervicion di e Entidadnan Financiero pa intoduci un garantia di deposito den e sistema financiero di Aruba.

For di aña 2014 caba Parlamento di Aruba a bin cu un mocion pa Gobierno traha riba un fondo di garantia di deposito pa brinda proteccion na e consumidor ora cu banconan no por cumpli cu nan obligacion financiero of bay failliet. Recientemente den e Landspakket, Hulanda y Aruba a yega na e acuerdo pa introduci e garantia di deposito a corto plaso den nos leynan pa por sigura e stabilidad den nos sistema financiero y proteccion pa e consumidor. Diamars anochi e cambionan necesario pa introduci e garantia aki a logra haya aprobacion di Parlamento di Aruba.

Awor Minister di Finansa hunto cu Banco Central lo traha riba e Decreto Gubernamental necesario cu lo contene e reglanan y e institucion di e fundacion cu lo ta encarga cu e fondo di garantia pa deposito. 

Minfic 301221.2

Related posts

Chauffeur a ranca palo di luz y bolter riba caminda Avenida Nelson Orlando Oduber

EA News Author

Ora cu pandemia a dal Aruba den tur e caos cu a drenta gobierno di Aruba a sa di actua lihe pa busca solucion aunke mandatarionan tabata bao di menasa

EA News Author

Tourism Corporation Bonaire ta rekonosé shete bishitante komo embahador di Boneiru na luna di novèmber

EA News Author

Leave a Comment

Whatsapp Message