Militarnan di Kuerpo di Marinir, den e kuadro di un edukashon speshal, ta ehersé na diferente parti na Kòrsou, eksplorashonnan (na playanan), i tambe akshonnan anfibio i di buseo. E aktividatnan di estudio aki a start ayera i ta tuma lugá te ku (i inkluso) Djarason 25 di Mei. E aktividatnan ta parti di un entrenamentu di e estudio ku e título ‘Landingcraftsman’ ku parsialmente nan ta haña na Kòrsou.
E Militarnan ta forma parti di (‘Surface Assault and Training Group’ (SATG), Grupo di entrenamentu pa Asalto riba Superfisie, ku ta un unidat di Marinir stashoná na Texel na Hulanda. E unidat aki ta speshalisá den operashonnan anfibio ku botonan ku por subi aterisá riba tera, ku otro palabra, nan ta operá na e frontera entre tera i laman.
E Marinirnan ta trein entreotro, na e playanan òf den besindario di e playanan na Kòrsou. Esaki nan ta hasi tantu na unifòrm, bistí ku trahenan di buseo, i tambe posiblemente komo sivil. Pa siguridat i pa e posibilidat ku na por keda rekonosé, semper lo tin un Militar na unifòrm bistí presente. Kòrsou, pa motibu di su sirkunstanshanan klimatológiko apropiá, (tal manera un bista kla bou di awa) ta eminentemente un bon lokalidat pa treinen pa ehekutá e tipo di destresanan aki, of pa siña kon pa hasi esakinan. Na Fuik-baai durante e periodo aki, tambe lo hasi uso di munishon pa praktiká. Lo tin sonidonan di tiru si, lo por mira un rayo di lus, sin embargo no tin bala ta sali for di e arma.