Kousa Promé a hasi apertura ofisial di su Kongreso statutario. Esaki a tuma lugá na Museo di Tambú Shon Cola na Sabana Baka 31.
Den un enkuentro seremonial bon bishitá diferente oradó invitá a hiba palabra.
Señora Jannette Juliet Pablo e spesialista di bario a para ketu elokuentemente na e problemátika di barionan na Kòrsou. E agrónomo Harold Schoop a ilustrá na un manera inteligente e nesesdidat i urgensia di plantamentu aki na Kòrsou. E spesialista di planologia drs. Lionel Janga a splika na plaka chikí ku kada bes ku Kòrsou bende pida di su teritorio e ta bira mas pober. E guia edukashonal profeshonal Ingelor Keller a alertá presentenan na un manera konvinsente ku e problemanan di mucha i hóbennan na Kòrsou ta alarmante.
Presidente di Kousa Promé drs. Ellen Maduro-Jeandor a afirmá ku Kousa Promé ta keda firme den bataya polítiko di Kòrsou ku diferente proyekto di base nobo. Finalmente lider polítiko dr. René Rosalia a enfatisá i ratifiká ku Kousa Promé ta sigui lucha desididu i inkansablemente pa un Kòrsou independiente. E totalidat emansipativo aki a tuma lugá den un ambiente ameno interkambiá ku obranan kultural artístiko di e famoso artistanan yu di Kòrsou Ali Inecia, Albert Schoobaar i Crisen Schorea. Movementu Kousa Promé a klousurá nan kongreso statutario djadumingu anochi ku un pakete di desishon, resolushon i proyekto pa yega na un yu di Kòrsou nobo den un Kòrsou liber dinámiko i independiente.
