Un biaha mas Tourism Corporation Bonaire (TCB) a organisá un eksitoso Christmas Shopping Night riba djasabra 17 di desèmber 2022 for di 6 or di atardi te 9 or di anochi. E evento a tuma lugá den Kaya Grandi, den Centrumgebied i na Terramar Mall.
E Christmas Shopping Night a hala hopi bishitante i habitante di Boneiru ku a bini Playa pa gosa di un anochi den ambiente di Pasku. E muchanan por a saka potrèt ku Santa Claus. Tur kaminda por a tende músika di Pasku, dilanti di TCB tabatin aktuashon di Gaitas Los Cañonasos, na diferente sitio tabatin DJ ta toka i dilanti di Littman’s tambe Jòm and Company a laga músika di gaita zona. Tabatin tambe un shou di moda kaminda por a mira diferente trahe bunita.
TCB ta gradisí tur tienda ku a keda habrí, Bonaire Arts & Crafts Association i Marshe di Playa pa nan aporte pa hasi e Christmas Shopping Night di e aña akí un anochi eksitoso atrobe.
Tambe TCB ta spera pa introdusí un noche de kompra un biaha pa luna komo parti di su strategia di desaroyo di produkto.
