ORANJESTAD, Aruba
Minister Marisol Lopez Tromp a manda un carta na unda cu ta pidi presidente di Parlamento pa e pone fecha pa e Segundo tanda di e reunon publico. Un reunion cu a keda poni pa trata e mocion di desconfiansa contra di su persona como minister di infractructura, mirando tur loke e ta bin ta haci desde cu e la sinta como minister.
Loke cu ta un realidad ta cu e reunion no ta uno pa trata su maneho, pero e desconfiansa cu su Partido, y minister raad tin den su persona y cu no por traha cu ne debi cu e ta funciona como un mandatario independiente. Minister Raad completo a firma cu nan no por traha cu ne, esaki ta significa hopi pa e gobierno di cualishon.
Sinembargo e reunion pa trata e mocion di desconfiansa contra di e mandatario a bira un reunion cu a keda bira riba tur e argumentonan di supuesto mal manehonan cu tin. E mandatario ta pidi pa e di dos reunion continua , pero no a entrega ainda tur e documentonan cu e tabata referi na dje den e prome tanda.
Cada parlamentario kier e documentonan pa asina nan pasa dor di nan y lesanan pa asina mira kico tur tin di berdad di loke minister Marisol Lopez Tromp a bin cu ne den su prome tanda, si e ta cuadra cu realidad of no ta cuadra cu realidad
