E weekend binidero, Team Aruba lo competi den e Campionato Latino Americano di BMX cu lo tuma lugar na Parke Curason, na Jaburibari. Recientemente, Team Aruba a duna su coredonan nan jersey/ uniform pa e campeonato grandi aki y cu esaki Team Aruba tac la pa e campeonato cu lo tuma lugar durante e fin di siman di 9 y 10 di september.
Ta di spera mas cu 150 coredor di BMX cu lo competi na Aruba durante e fin di siman binidero, cu teamnan di entre otro, Argentina, Brazil, Chile, Colombia, Curacao, Ecuador, Mexico, El Salvador. E caredanan lo tuma lugar entre 11or di mainta pa 5or di atardi riba diasabra 9 di september. Diadomingo 10 di september e caredanan lo cuminsa desde 10or di mainta y sigui te cu 5or di atardi.
Iluminacion di pista
Diabierna anochi, 1 di september, 6 poste di luz a bai halto den Parke Jaburibari pa ilumina e pista di BMX pa nos hobennan. Trabou ta continua. Luznan na Jaburibari na e BMX Track a wordo cendi pa promer biaha den e fase di testing. Un danki na FFD, Lotto pa Deporte, Elmar y tur stakehokder.
E invitacion ta keda na pueblo di Aruba pa pasa Parke Curason na Jaburibari y apoya nos Team Aruba.
