Filomena College MAVO a ricibi donacion deportivo di Island Finance

Recientemente, Island Finance y su representantenan a haci un donacion deportivo na Filomena College MAVO na San Nicolas. Tabata sra. Ivy Simon cu a haci entrega di articulonan valioso pa e deportenan volleybal, badminton, futbol entre otro.

Educacion fisico ta un parti importante den e bida di cada alumno y di Aruba general. Pesey director Raquel Lampe a gradici  señora Simon y Island Finance hopi mes pa e contribucion grandi aki pa cu Filomena MAVO. Maestronan Roan Petronia y Erik Farro t’e maestronan di deporte na Filomena College Mavo y ta haci sigur bon uzo  di e articulonan aki den nan les.