Un dia completo di diversion di Golf riba Diasabra ultimo a inicia cu un 12noon shotgun. Algun momento despues di bahada di solo, un pareha casa Axl Ismail y Alexandra Ismail Brown a gana e prome premio, un biahe pa dos persona pa San Francisco, y California Wine Country pa experiencia Wente Vineyards den persona. Tina Morrison y Jerold Forger a bay cu di dos luga, mientras cu Gian Pietersz y Karel Slikker a sali na di tres luga cu premionan generoso.
Hungadonan a haya un treat di lunch mientras cu nan tabata hunga riba veld, brinda pa Papiamento Restaurant, combian cu boternan friu di biña di Wente Vineyards. Na e banquet di premiacion na Tierra Del Sol, riba e pool deck cu bista pa California Lighthouse na bahada di solo, hungadonan a disfruta di un buffet di sopi y sandwich mientras cu Govert van der Hout, Arion Wine Company y Director di Golf James Kiley a yuda Eric Wente parti certificadonan y premionan na e top tres ganadonan.
Regalonan adicional a wordo gana pa David Powers, pa esun mas cerca di e pin on hole #3, Sven Schneider pa esun di mas cerca di pin on hole #7, Shirley Barrow na #13, Axl Ismail na #15, y Alexandra Ismail Brown na #17.
E 16 edicion di Wente Vineyards, Arion Wine Company, Papiamento Restaurant Charity Golf Tournament a conclui exitosamente cu presentacion di fondo recauda na JUMP18, un iniciativa hopi necesario pa Childhood Obesity Prevention Program, un programa multidisciplinario cu ta maneha obesidad den muchanan, afilia na HOH, Horacio Oduber Hospital.
“Ta sinti hopi great pa ta bek,” James Kiley ta bisa, “Esaki ta nos prome evento habri, anto el a bay hopi bon, cu bunita tempo y tremendo organisacion, cu participacion di 52 team, un total di 104 hungado.”
“Nos ta hopi contento cu e resultadonan,” Govert van der Hout ta bisa, “e torneo a parti su premio di prome luga na un pareha recien casa, cual ta algo hopi special, anto el a atrae mas di un docena di patronisador for di comunidad, kende a contribui cu entusiasmo pa un causa social hopi fantastico.”
Arion Wine Company ta organisa e torneo aki anualmente, cu participacion activo di Eric Wente di Wente Vineyards, como host di e torneo di Golf. Hunto cu Papiamento Restaurant e partners ta presenta un evento cu multi actividad durante e transcurso di e fin di siman cada luna di April.
E torneo a wordo patronisa pa: Setar, Elmar, Aruba Happy Rentals, Tri-Bike Aruba, Tropical bottling Company, Plus Accountants, Nagico, AIB Bank, Aruba Bank, Aruba Airport Authority, ASD, Complete Logistics, Robertson Fire Protection, ProTech, H&H fine wines and spirits, Superfood, Benu Pharmacies, y Tierra Del Sol Resort, Golf and Country Club.
