CITRO i Wardakosta ta sera un akuerdo di koperashon

Siman pasa CITRO a sera un akuerdo di koperashon nobo ku Wardakosta. Akinan tabatin
presente den e ‘boothuis’ di CITRO, Adriaan van der Hoeven, Presidente, Sue-Wen van
Daalen, Sekretario i Sonia Moniz de Faria, Tesorero, Lusette Verboom, Virgill Kemper i Izzy
Gerstenbluth. Pa parti di Wardakosta Karibe Hulandes tabata presente, Direktor di Wardakosta,
Walter Hansen, Hefe di Operashon Martin van Lavieren i Hefe di e Sentro di Operashon
Marítimo, Mirko Kessen.
Direktor di Wardakosta, konosé CITRO desde 25 aña pasá, na momentu ku pa di promé biaha
e tabata na Kòrsou komo komandante riba e cutter Jaguar di Wardakosta i despues ku e tabata
fungi komo Hefe Operashonal Marítimo na Wardakosta. E la enfatisá kon spesial tabata ku
CITRO tabata for di e tempu ei un sosio mashá importante mes pa Wardakosta. Sigur pasobra
ta ekstraordinario ku un organisashon ku ta traha kompletamente ku boluntario por hunga un ròl
asina importante komo sosio stratégiko stabil di Wardakosta pa salba bida di hende riba laman.