Den e reunion di comisionpermanente di famia y nos grandinan ex minister di salubridad publico Dangui Oduber y ex prome minister di Aruba Evelyn Wever Croes tabata den sala y a forma parti di e comision aki. Loke cu tabata bon cla y cu a saca afo cu realmente tin un confusion grandi riba e recorte di 60 miyon. Lamentabel ta cu ta te awo a tuma nota di esaki unda cu e recorte a tuma luga caba. Sinembargo mas lamentabel ta cu ningun hende no por splica di unda e 60 miyon a bin riba mesa como e cifra cu mester a wordo corta den cuido medico, ningun hende no por a contesta di unda esaki a bin.
