Diaranson ultimo na centro di bario Dakota tabata un momento hopi special na unda cu a eligi e board nobo y e presidente nobo pa 2 aña mas. Un anochi bunita unda cu e miembronan por a vota y e presidente di centro di bario Dakota a keda re eligi Caricheal Bikker.
Presidente di centro di Bario Dakota Carmicheal Bikker ta contento cu e sosten di centro di bario Dakota. Despues di hopi aña por a tuma nota cu miembronan di e centro tabata presente pa pone nan voto di confiansa pa e presidente pa e siguiente dos añanan.
Miembronan a presenta y tabata hopi interesa riba e desaroyo di e centro y tambe bukinan a keda habri unda cu transparencia a hunga un rol hopi grandi pa mira loke ta e trabounan cu a bin ta haci den e dos añanan. Tambe a mustra e proyectonan nobo cu tin na caminda. E votacion a tuma luga y na unda cu miembronan di bario a sostene y vota pa re eligi Carmaichel Bikker bek pa sigui cu a bon trabounan cu ta bin ta haciendo den e ultimo dos añanan.
Sinembargo den e bestuur a bin acerca Jeanette Acumbero , Xiomara Abath Ras, Vanessa Olive , Jane Braafhart , Zulaika Plaza, Sharitza Jansen y Glendrick Ridderstap cu ta e board cu lo mester bay traha pa e siguiente dos añanan.
Presidente di centro di Bario Dakota ta indica cu tin un proceso cu ta andando di aña pasa unda cu den e ultimo reunion a haya aprobacion pa haci e statuto mas amplio enbes di 2 aña hacie na 4 aña. Na e momentonan aki ta den e proceso aki y cu poder di DIOS, Presidente di centro di Bario Dakota Carmicheal Bikker pa esaki tuma luga prome cu fin di aña y si e no tuma luga lo mester bin bek den reunion general pidi aprobacion di e miembronan di bario y e ora esey ta significa cu e bestuur actual lo mester sinta 4 aña y despues bini bek na eleccion.
E proceso di votacion a cana bunita unda cu ta wak un sala completamente yen y tin alegria y aprobacion total pa e board nobo cu lo bay dirigi centro di bario Dakota pa e añanan nos dilanti. Pa loke ta trata e dos añanan tras di lomba e board bieu a logra gran parti di nan proyectonan pero ainda falta hopi trabou pa haci.
