E mundo di importa y exporta na Aruba a crece bira hopi grandi na Aruba , tin varios compania a habri nan portanan y esaki ta exigi hopi di Aduana. Hefe di Aduana Roderick Croes ta indica cu berdad ta yegando den un temporada hopi ocupa mirando cu ya caba december ta den porta.
Sinembargo ya caba a sinta na mesa y asina hunto cu managment team ta mira con e anja aki lo atende cu e fluho grandi di containernan cu ta yega Aruba. E seccion di haven y luchthaven y tambe ora por di Aduana Recherche a yega na un comprondemento cu lo yuda den e parti di container pa asina por logra pasa den e temporada druk. E berdad ta cu asina e luna di september pasa te cu practicamente di dos siman di december ta bay ta hopi ocupa. Na momento cu december pasa e drukte ta baha pero nan ta keda pidi pa sigui baha container.
Den henter e dianan hopi druk semper Aduana tin cooperacion di astec, normalmente astec ta cera 4 ora riba dia di siman y ta cera den weekend, pero pa e dianan druk tin un bon cooperacion cu astec cu na e momento cu pidi cooperacion pa e periodo pisa tin e posibilidad pa bay te cu 6 or di atardi pa saca container. Astec ta esun cu ta controla e porta y Aduana ta controla e containernan cu ta Sali.
Segun hefe di Aduana Roderick Croes no ta traha di astec/Aduana su pero tambe e comerciantenan mes cu mester bin saca nan carga nan ta traha cierto ora so y despues di esey lo mester paga overtime y tur hende ta tene cuenta cu esey tambe, segun hefe di Aduana Roderick Croes. Si acaso comerciantenan tin e gana y boluntad pa paga overtime sea nan saca y of hiba container bek semper tin e posibilidad di sinta na mesa pa mira kico ta e posibilidad nan cu tin. Segun hefe di Aduana Roderick Croes si comerciantenan tin peticion pa astec y Aduana por ta mas largo habri Aduana ta habri pa haci su best pa crea e posibilidad aki.