Aduana tin diferente tareanan cu nan mester haci y cumpli cu ne , hefe di Aduana Roderick Croes ta na cabes di e organisacion y ta iondica cu Aduana ta haciendo un bon trabou den diferente area, pero e trabou primario di Aduana ta heffen en invoerrechten en accijnzen. Sinembargo no ta desconoci cu Aduana ta traha cu menos personal, importante ta cu e trabou ta wordo bon haci y cu esnan cu ta den dienst ta haci nan trabou conforme ley. Pa loke ta trata cobramento di invoerrechten en accijnzen ta canando hopi bon y e ta bon pa e caha di gobierno tambe.
Tambe Aduana tin un di dos tarea cu ta cay bou di Aduana cu ta e tarea di siguridad, economia, Naturalesa y Medio Ambiente y riba e tereno aki tambe Aduana ta haci un bon trabou.
Un parti cu tambe Aduana ta confronta casi tur dia ta na momento cu ta dal e “BINGO “ tin hopi cach di droga y comunidad di Aruba por ta trankilo paso Aduana ta haciendo su trabou manera debe ser. E control nan di droga ta wordo haci na costa di Aruba , pero tambe e control nan pa droga na momento cu ta controla carga nan cu ta bin di afo, ta habri e container y ta haci e control nan necesario.
Aduana ta trahando cu diferente cachonan y ta detectando droga placa y arma y tambe Aduana tin su mes un instructor di cacho di droga y e team aki ta haciendo un bon trabou. Tambe Aduana tin un honden training centrum cu ta den combinacion cu e instructor di cacho y a duna bon resultado.
E aña aki Aduana tin diferente “BINGO “ y na momento cu gara e compania cu ta importa producto pa nan clientenan cu e droga Aduana ta registra e caso y ta traha un rapport y despues e caso ta wordo pasa pa polis y polis ta sigui cu nan investigacion.
hefe di Aduana Roderick Croes ta indica cu constantemente Aduana ta constata carganan cu ta bin cu droga pa Aruba, Sinembargo tambe ta tumando nota cu e trent tambe ta cambiando. Tin cocaina y marihuana , pero loke cu ta resalta den e ultimo dianan cu tin hopi catch di marihuana. Loke cu mester bisa tambe cu e trabou ta wordo haci tanto na momento di importa , pero tambe exporta.
E carganan den e parti di exporta ta pa usernan den Europa of na Merca. Aduana su tarea ta pa controla tur e containernan cu ta Sali direccion Europa y Merca y esaki ta sosode tambe.
Na momento cu Aduana ta para na frontera y constata cualkier iregularidad den inportacion y of exportacion ta constata tur cos y traha un rapport pa esaki y despues ta pasa pa polis y polis ta sigui cu e investigacion te na momento cu e hendenan mester haya castigo. Entre Aduana y polis tin bon cooperacion na momento cu Aduana constata ta detecta y ta pase over pa polis.
E averahe di droga cu Aduana ta detecta y entrega na polis pa aña ta haya tur e informacionnan bek , pero na e momentonan aki e data no ta “Bijgewerk “ debi cu ta wardando riba algun peso bek, pero si por bisa pa e aña aki tin un averahe di 33 biaha cu Aduana a detecta droga den carganan y ta pasa esaki pa polis.
Actualmente Aduana tin seis cacho pero ideal ta pa tin 9 cacho. Sinembargo e cachonan no ta traha solamente riba e tereno di droga, pero tambe riba tereno di placa, arma. E cachonan a resulta pa cuerpo di Aduana hopi bon y ta dunando bon resultado. E cachonan di Aduana tambe ta traha den entradanan hudicial den casnan hunto cu polis y ta duna bon resultado y cuerpo di Aduana ta contento cu henter e maneho y e team cu ta atende cu e cachonan special aki.
Hefe di Aduana Roderick Croes ta hopi contento cu e perseverancia di e Aduana nan, aunke cu e trabou ta hopi y cu sa cu tin mester di mas man pa yuda , den su totalidad por bisa cu e Duaneronan ta haciendo un bon trabou y Aruba por ta orguyoso riba tur.