Rene Kock ta director di Gucci Dancers Aruba cu ta e grupo cultural cu tin diferente actividadnan durante di aña unda cu ta un grupo di hoben cu ta mantene e cultura di Aruba bibo. Gucci Dancers ta baila y haci diferente presentacionnan durante aña y pa esaki nan tin mester di diferente tipo di paña pa por duna diferente presentacion.
Pesey mes Director di Gucci Dancers ta recauda fondo atrabes di un rifa. Loke ta un realidad ta cu e trahenan folklorico no ta trahenan barata, pero tambe tin algun otro materialnan cu e grupo tin mester y pa por logra na esaki e grupo di Gucci Dancers ta organisa un rifa cu diferente premionan atractivo pa asina nan por recauda fondo pa por sigui cu nan meta pa eleva e cultura di Aruba.
E rifa ta 5 florin pa ticket y un buki ta costa 100 florin. E rifa ta di varios premio atractivo manera 250 Florin cash, giftcard di paseo herencia, Flora market, cocacola y giftcard di setar. Tur e premionan aki e ganado por gana cu solamente 5 florin.
Director di Guci Dancers ta duna di conoce cu esnan cu ta contribui na e ticket ta contribui na e cultura di Aruba. Ta yuda hobennan cu ta bay scol ainda y cu ta haci cosnan positivo y eleva nos cultura, esnan cu ta yuda cu un rifa ta yuda pa mantene un hoben haciendo cosnan positivo den nos comunidad.
Cu compra di e rifa e hobennan por traha nan trahenan nobo di 2026 pa por sigui engrandece nos cultura. E aña aki ta un celebracion di 20 aña. No falta mucho pa e rifa hunga, pa 5 di october abopor ta un feliz ganado. Esnan cu ta interesa por yama na 5606876