Durante e 24 ora tras di lomba a midi mas òf ménos 28 milimeter di áwaseru na Boneiru. Entretantu pa un gran parti e áwaseru a pasa bai i den e oranan binidero ta keda seku.
Pa e próksimo dianan sinembargo e chèns pa mal tempu ku áwaseru ta keda, prinsipalmente den oranan di tramèrdia i anochi. Parti pariba di nos isla tin algun áwaseru ainda ku posibelmente por bin den direkshon di Boneiru.
Entidat Públiko Boneiru ta konsehá habitantenan pa, si ta nesesario, tuma medida preventivo pa limitá molèster kousá pa áwaseru. Banda di esaki ta hasi un yamada na tur hende pa ta kouteloso den tráfiko, prinsipalmente ora kaminda ta muhá ku peliger pa slep.
Pa informashon aktual tokante pronóstiko di tempu, habitantenan por akudí riba wèpsait di KNMI Hulanda Karibense via https://www.knmi.nl/nederland-nu/caribisch-nederland.
Pa informashon adishonal bo por tira bista tambe riba e wèpsait di krísis di Entidat Públiko Boneiru: www.bonairecrisis.com
