Fundacion Autismo Aruba a participa na e Latin America Autism Summit 2024 na Lima, Peru unda cu di fundacion presidente Carolina Thiel-Span tabata un orador. E fundacion a haya e oportunidad pa conta un poco di e forma di traha riba conscientisacion pa trece cambio y inclusion na Aruba. Esaki tabata un momento importante pa haya un miho idea di kico otro paisnan den Latino America ta experiencia como tambe pa compronde con pa anda cu diferente situacionnan similar.
Durante e evento aki tambe tabata tin hopi profesionalnan presente di Merca cu tambe a comparti nan “best practices” den e ramo di autismo y asina tambe logra crea conexion nan nobo cu organisacionnan manera Autism Global cual tabata un di e organisado como tambe profesionalnan individual.
Fundacion Autismo Aruba ta contento di por a participa como orador na e evento aki y sigur pa por ta un ehempel den region den nos forma di comunica tocante Autismo den medionan social pa logra crea conscientisacion.
