Cultuurfonds Caribisch Gebied (CCG) ta invitá organisashonnan na Boneiru i Sint Maarten pa entregá ideanan di proyekto ku ta aportá na konsientisashon i konmemorashon di e trans-Atlantiko pasado di sklabitut. E konvokashon habrí ta tuma lugá den kolaborashon ku Cultuurfonds (CFNL), ku yudansa di Banko Sentral Hulandes (DNB).
E konvokashon ta parti di un programa di DNB kual ta duna un aporte di € 500.000,
– pa Boneiru i € 500.000,
– pa Sint
Maarten, dirigí na inisiativanan ku impakto kultural sostenibel. Realisashon di e programa aki ta tuma lugá den kolaborashon ku CFNL i CCG, kual ta bai duna nan konseho konhunto na DNB tokante aprobashon di e montantenan.
Motibu di e konvokashon
E sosten ta spesialmente pa organisashonnan i instanshanan ku ta para pa:
· konservashon di herensia históriko relashoná ku pasado di sklabitut,
· desaroyo di programanan kultural edukativo pa amplia konosementu di e pasado aki,
· òf pa realisashon di fasilidat museal i kultural ku ta kontribuí na konsientisashon i traspaso di konosementu na un
públiko amplio
E meta ta pa sostené proyektonan ku por hasi un diferensha duradero den fortifikashon kultural di konsenshi históriko
i konekshon di komunidat.
Kolaborashon
CFNL i CCG ta konsehá DNB tokante e selekshon di e proyektonan. CCG ta trese su konosementu lokal i ret di konteks
karibeño, mientras CFNL ta uza su perisia den evaluashon di proyekto i donashon. DNB ta solamente finansiadó.
Ningun di e tres partido ta envolví den desaroyo òf ehekushon di e proyektonan.
Entrega di propuestanan
Organisashonnan i institushonnan kultural lokal na Boneiru i Sint Maarten por entregá nan propuestanan di proyekto
for di 19 novèmber t/k 31 di desèmber 2025 via di info@cultuurfondscg.com (e-meil)
Importante: Lesa e instrukshonnan riba nos website promé ku entregá un propuesta
https://cultuurfondscaribischgebied.com/eenmalige-bijdrage-dnb-voor-bonaire-en-sxm/
Proyektonan lo wòrdu evaluá riba impakto kultural, faktibilidat, sostenibilidat i e grado di relashon ku tema di konmemorashon di pasado di sklabitut, ku e meta pa stimulá konsenshi tokante e pasado di sklabitut trans-Atlantiko.
Pa mas informashon tokante e kondishonnan i e manera pa entregá un proyekto bishitá:
www.cultuurfondscaribischgebied.com
Press release: Cultuurfonds Caribisch Gebeid