E Ministerio di Habitacion Publico, Planificacion Territorial, Medio Ambiente y Infrastrutura (VROMI) ta contento di anuncia e progreso di dos proyecto, e prome ta e proyecto pa fortalece e infrastructura di utilidad y e di dos ta Private-Public Partnership pa rehabilita Billy Folly Road (Pelican). E Proyecto di Infraestructura di Utilidad ta sigui di e acuerdo firma na mei pa VROMI, NRPB, y GEBE na suma di 5.1 miyon dollar pa introduci cabelnan electrico y tuberia di awa di bebe na Cole Bay, South Reward, Pointe Blanche, y A.T. Illidge Road (area di Madame Estate, Middle Region y Dutch Quarter). Minister di VROMI sr. Patrice Gumbs tabata na e sitio riba djasabra na e interseccion di A.T. Illidge Road y Gibbs Drive pa inspecciona e trabounan cu e tin di Departamento di Infrastructura.
E ministerio a inicia superfisie di Gibbs Drive como parti di e programa na februari 2024. E trabounan a stop despues di protestanan di habitantenan relaciona cu un disputa entre herederonan riba propiedad di un parcela di tera pa e bypass propone pa Richardson Drive. For di e tempo ey, e condicion di e caminda a sigui deteriora, motivando habitantenan pa aserca gobierno pa interveni. Actualmente e ministerio ta den combersacion cu e herederonan pa yega na un solucion pa permiti e gobierno cumpli cu nan promesa pa drecha e caminda. Entretanto, ora e cabelnan y e tuberia ta completa, Ministerio di VROMI lo cifra Gibbs Drive te ora e proyecto di superficie duro cuminsa atrobe. Esaki lo ofrese alivio temporal door di mehora accecibilidad pa e habitantenan.
Luna pasa, e ministerio a anuncia un cooperacion entre sector priva y publico cu e empresanan den e area. Na momento di publicacion, un total di 496,500 USD a ser lanta pa Simpsonbay Resort, Flamingo Hilton, The Atrium, La Vista, Simpsonbay Suites, Baker Suites, Market Garden, SMTA, Hollywood Casino, Splash Jewelry, Aquamania, Tepui Residences, Dollar Thrifty, Buccaneers Beach Bar, Peli Deli y Sunset Spa. E gobierno a contribui 94.000 dòler na e iniciativa aki. E Minister, e Departamento di Infrastruktura y representantenan di Windward Roads tabata na e sitio pa inspecciona e trabounan. E proyecto ta inclui e instalacion di trottoirnan cu ta hopi necesario, e mehoracion di e superficio di beton y e instalacion di un capa di asfalt. Ademas, lo trata e problema di awa cu ta cay riba caminda (drainage).
“ Windward Roads ta orguyoso di ta parti di e proyecto importante aki, cu a bira posibel danki na e trabou duro y cooperacion entre sector publico y sector priva. Hunto nos ta renobando Billy Folly Road pa mehora e infrastructura pa e hendenan di St. Maarten y pa nos bishitantenan. Nos ta spera di por tin hopi mas colaboracion den futuro y ta spera di por sigui contribui na e desaroyo di e isla”, Michiel Witteveen di Winward Roads a bisa.
Minister di VROMI, Patrice Gumbs, a declara cu “e proyecto aki ta un ehempel di e modelo di Partnership Publico-Privada, describi den e Programa di Gobernacion , cu ta vital pa e desaroyo futuro di Sint Maarten. E realisacion di e mehoracion di infrastructura aki a bira posibel danki na e apoyo generoso di empresanan local y stakeholdernan cu a demostra un responsabilidad social corporativo excepcional y pa esaki nos ta sumamente agradecido.
Iniciativanan similar di asociacion publico-priva ta den negociacion pa otro proyectonan di infrastructura y e desaroyo di un ‘kader’ pa regula e asociacionnan cu ta bayendo dilanti ta den e etapanan final; lo wordo comparti cu publico den e proximo simannan.
E Ministerio ta gradici e publico pa nan pasenshi, reconociendo cu trabounan publico ta tuma tempo, financiamento adecua y planificacion pa sigura e calidad di e infrastructura.
Press release: Gobierno di Sint Maarten