Presidente Donald J. Trump a firma un orden ehecutivo pa reclasifica marihuana bou di ley federal, move di Schedule I pa Schedule III, un paso cu ta reconoce formalmente su uzo medico legitimo.
E reclasificacion tin como meta amplio oportunidadnan pa investigacion di marihuana medico y cannabidiol (CBD), permitiendo cientifico, dokter y institucionnan di salud tin mas acceso pa studia su beneficionan terapeutico. Segun e administracion, e decision tin como proposito sostene miho e pashentnan cu ta depende di tratamientonan basa riba marihuana, y na mesun tempo duna mediconan mas claro guia regulatorio.
Cu e cambio pa Schedule III, e gobierno federal ta reconoce cu marihuana tin balor medico acepta, mientras cu ta mantene controlnan regulatorio. Ta spera cu e cambio lo reduci barera pa investigacion y mehora desaroyo di aplicacionnan medico basa riba evidencia.
Oficialnan a indica cu e orden ehecutivo ta representa un paso den direccion di modernisacion di politica federal tocante droga, alinea cu comprendemento medico actual y necesidadnan di pashent.