Na Fort Amsterdam, Willemstad, riba djabièrne 6 di Mart, 13 partisipante di e Promé Formashon Militar (EMV), a keda risibi ku un Warda di Honor. Nan entrenamentu a keda klousurá na un forma tradishonal ku un marcha final di 25 kilometer, ku a tuma lugá den e mardugá di djaweps pa djabièrne. Na yegada na Fòrti nan ta kambia nan barèt di entrenamentu pa e barèt di un Militar den Sevisio. Durante huramentashon Gobernador di Kòrsou tabata presente i tambe Komandante di Fosanan Naval den Region Caribe.
Na e ehrsisio final nuebe partisipante di Kòrsou i sinku di Aruba a partisipá, kaminda tabata tin dos hende muhe. Durante e eherisio aki e partisipantenan a risibí di e Formashon aki e oportunidat di apliká e konosementu i e habilidatnan ku nan a risibí durante e formashon, den un forma di un senario mas realístiko posibel. E ehersisio a tuma lugá na diferente lokalidatnan na Kòrsou, tal manera na Wacao, Boka Santu Pretu, Ronde Klip, Malpais i Daou. E ehersisio final a keda klousurá ku un marcha di 25 kilometer. Durante e ultimo kilometernan e partisipantenan a keda sostené musikalmente pa e tambureronan i supladónan di flouta, di Kuerpo di Marina. Na nan destino final Fort Amsterdam nan a risibí nan barèt ofisial di Militar. Esaki den presensia di nan famia i amigunan.
Mas ku 300 kandidato a mèlldu aña pasá pa e formashon pa bira Militar di Caribe. Di nan 32 kandidato a slag pa e prosedura rígido di selekshon i a kuminsá na ougùstùs 2025 ku nan formashon. Durante 7 luna di tempu e kandidatonan a siña durante e formason pisá i intensivo, entre otro habilidatnan militar, teknikanan di lucha, i kon pa anda ku armanan militar.
Despues di alkansá nan formashon, e Militarnan di Caribe ta keda ubiká den diferente funshon operashonal na Kòrsou i Aruba. Nan por haña diferente tarea, di sirbi komo kontrol di seguridat di akseso te ku mantenshon di òrdu públiko i seguridat, riba petishon di outoridatnan lokal. Tambe nan ta partisipá den ehersisionan pafo di Kòrsou i Aruba i nan ta trein huntu ku diferente partner di siguridat. E militarnan di Caribe ta keda empleá pa Ministerio di Hustisia di Kòrsou i desplegá pa Ministerio di Defensa den Region Caribe. E mas di 220 militarnan di Caribe huntu ta forma un unidat operashonal klave di Ministerio di Defensa.
