Statia ta un paso mas cerca di habri un edifisio moderno di scol secundario pa e alumnonan y personal di Gwendoline van Putten School (GVP), awor cu e construccion a drenta su fase final.
Comisario di Isla Reuben Merkman, responsabel pa educacion, a haci un recorido riba e sitio di construccion hunto cu representantenan di Gobierno di Statia y un representante di e Directiva di GVP. E delegacion a wordo guia pa un representante di e ekipo di construccion, kende a brinda un actualisacion di e trabounan cu a wordo realisa te asina leu y e pasonan cu falta ainda prome cu e entrega.
E edifisio nobo di scol ta situa banda di Korthalsweg. Tambe ta preparando un ruta di acceso adicional for di Spiegelweg. E diseñonan pa e ruta aki ta wordo desaroya actualmente, y lo invita contratistanan local pa participa den e fase aki di e proyecto.
E proyecto ta wordo ehecuta cu siguridad, educacion di calidad y bienestar como e puntonan central. Su meta ta pa brinda un ambiente di siñansa mas adecuado pa e alumnonan y un ambiente de trabou moderno pa e personal.
Awor structuralmente por mira progreso den henter e sitio. Padintra di e edifisio, e plafonnan y vloernan di e classroomsnan ta wordo instala, hunto cu e instalacionnan electrico, repinan di siguridad (guard railings) y e sistema nobo di tratamento di awa residuual riba e sitio mes. Pafo, e area pa drop-off di bus, e lugarnan di stacionamento y e canha di basketball ta tumando forma.
Una bes cu gran parti di e construccion keda bisto prome cu fin di aña, lo cuminsa cu e parti di miubla e luga y cu e preparacionnan pa e mudansa.
Gobierno di Statia, Directiva di GVP y e Cohesio Ehecutivo (Executive Council) ta spera di continua cu e cooperacion aki segun nan ta traha pa prepara e edifisio pa su uzo. E proyecto aki ta forma parti di e compromiso continuo di Gobierno pa fortalece e infraestructura di educacion y sostene e ambiente di siñansa den futuro pa e hobennan na Statia.
