BonaireFeaturedInternacional

Tourism Corporation Bonaire huntu ku Surround Vibe ta anunsiá e siguiente “Marshe di Rincon”

Marshe Di Rincon Poster

Tourism Corporation Bonaire (TCB) den koperashon ku Surround Vibe ta anunsiá e siguiente marshe di bishitante bou di e título ‘Marshe di Rincon’ ku ta tuma lugá djadumingu próksimo 28 di mei 2023.

Komo parti di e Plan di Rekuperashon di Turismo, Marshe di Rincon ta ofresé arte lokal, músika i kuminda, ku komo meta pa diversifiká e produkto turístiko, krea eksperensia nobo i brinda nos bishitantenan un eksperensia outéntiko ku ta duna un bista di nos kultura lokal. 

Meta di TCB, komo parti di su plan di rekuperashon, ta pa krea eksperensianan outéntiko i memorabel pa tantu nos poblashon lokal komo pa turistanan krusero i bishitantenan ‘stay over’. Investigashon di TCB a mustra ku ta eksistí nesesidat pa un eksperensia èkstra di marshe outéntiko den e bario mas bieu di Boneiru. Empresarionan lokal ta haña oportunidat pa kompartí e sekretonan di nan bario i pa nan tambe forma parti di e benefisionan di e industria dinámiko akí. 

Marshe di Rincon ta tuma lugá djadumingu próksimo for di 08.00 or te 16.00 or na skina di Kaya Rincon i Kaya Commerce. 

Marshe Di Rincon Poster 4

Related posts

Boneiro su focus ta pa e turista tin un experiencia di Naturalesa unico bao lama y riba tera

EA News Author

Diputado james kroon a trece diferente criteria nobo pa por yega na terenonan comercial

EA News Author

Apelacion na tur ciudadano di aruba pa atene na e reglanan y realisa cu e situacion ta hopi serio

EA News Author

Leave a Comment

Whatsapp Message