Tromp-Lee a aclara cu e no ta contra e concepto di un fondo di inversion, pero e ta rechasa categoricamente e forma den cual e minister ta ehecutando e proceso. E bachi cu e fondo ta hinca den dje.
Preocupacion pa falta di control democratico E parlamentario a enfatisa cu e creacion di e fondo bou di e structura actual lo debilita drasticamente e control cu Parlamento tin. Segun Tromp-Lee, e fondo aki ta habri porta pa gastamento di placa di pueblo sin e
transparencia y control necesario, loke e ta considera inaceptabel.
Gobienro di AVP-FUTURO ta creando situacionnan cu, di manera amplio, ta describi un falta di control riba e proyectonan y e inversionnan,Aparentemente historia ta bolbe ripiti y AVP no a sinja su les” Tromp-Lee a declara. El a argumenta cu tin e temor real cu e mecanismonan aki ta wordo uza pa evita regla di supervision financiero, gastando placa di pueblo sin control adecua.
Exigencia pa mas rigor y investigacion Den su intervencion, Tromp-Lee a insisti riba e necesidad di un investigacion mas profundo:
• Ausencia di fiscalisacion: El a critica cu no ta envolviendo e Raad van Advies ni e Algemene Rekenkamer den e proceso di revision.
• Yamada pa responsabilidad: El a señala cu tanto e Minister como Parlamento tin e deber di actua mas prudente pa incorpora e organonan di control aki, pa no ripiti erornan di pasado.
• Alerta pa riesgo: El a spierta cu gobierno ta ignorando lesnan di historia, y cu e falta di transparencia aki por trece consecuencia negativo pa e finanzas di nos pais.
Tromp-Lee a termina su mensahe haciendo un yamada na e mayoria parlamentario pa reflexiona riba nan responsabilidad, spiertando cu si no actua cu integridad, e pais por enfrenta crisis di gobernacion atrobe. Ta bisto cu AVP no a siña su les den pasado y ta bolbe hinca Pais Aruba den situacionnan hopi delicado, esaki ta e gobierno cu Hulanda ta confia? Of Hulanda mes gusta actuacionnan asina ? .
@farrahboekhoudt0 *Shailiny Tromp-Lee ta cuestiona transparencia y control di e Fondo di Inversion nobo *Shailiny Tromp-Lee stelt transparantie en controle van het nieuwe Investeringsfonds ter discussie *Shailiny Tromp-Lee questions the transparency and control of the new Investment Fund *Shailiny Tromp-Lee cuestiona la transparencia y el control del nuevo Fondo de Inversión