Resientemente Direktorado di Planifikashon i Desaroyo a renobá e kapa mas ariba di asfalt den Kaya Simon Bolivar. Esaki a hasi e kaya awor mas seif i mas kómodo pa tur usuario di kaminda.
A hasi e trabou den oranan di mardugá, di manera ku tráfiko por a sigui hasi uso normalmente di e kaya durante dia. Danki na e sistema di traha akí e trabou a kana lihé, i molèster pa habitantenan i usuarionan di kaminda a keda limitá te na un mínimo.
E kapa nobo di asfalt ta kontribuí na un mihó eksperensia di kore tur tipo di vehíkulo, ménos daño na esakinan i un bida mas largu pa e kaya. Kaya Simon Bolivar ta un ruta importante pa hopi hende na Boneiru, i pa e motibu akí bon mantenshon ta esensial.
Direktorado di Planifikashon i Desaroyo ta gradisí tur habitante i usuario di kaminda pa nan pasenshi i komprenshon.
