BonaireInternacional

Reglanan pa biaha for di Kòrsou por lo pronto na vigor Gezaghèber ta vigilá situashon na Kòrsou di aserka

1 2

Kralendijk – E reglanan pa biaha di Kòrsou pa Boneiru por lo pronto ta keda na vigor.  Asina gezaghèber Edison Rijna a deklará awor ku Kòrsou for di djamars 8 di desèmber a haña e konseho di biahe kódigo oraño. ,,Awor no tin motibu pa adaptá e reglanan pa biaheronan ku for di Kòrsou ta bini Boneiru.  Boneiru tin bon bista riba pasaheronan ku ta bini e isla. E isla ta prepará pa si akaso hendenan haña infekshon na Boneiru. Si ta nesesario ta adaptá e reglanan mesora,” asina e gezaghèber ta laga sa.

Siman pasá  gezaghèber a konsehá kaba pa mirando e infekshonnan na Kòrsou pa no biaha pa e isla akí. ,,E konseho tabata pa solamente biaha si realmente ta nesesario. Awor ku e isla ei a haña e kódigo oraño, e konseho a bira mas urgente,” asina e gezaghèber a deklará. ,,Si tòg hendenan ta bai e isla bisiña, nan mester tene nan mes aya na e reglanan lokal. Por ehèmpel tene 2 meter di distansia for di otro i na e toke de keda.”

Djárason 9 di desèmber a bini tres kaso nobo di COVID-19 na Boneiru. A pone e tres hendenan akí den isolashon. Salubridat Públiko a konsehá tur hende ku último tempu tabatin kontakto estrecho ku e tres personanan infektá pa bai den karentena. Esei a sosodé despues ku e departamento a hasi investigashon amplio di kontaktonan di e tresnan. Segun Salubridat Públiko, e infekshonnan tin di aber ku biahamentu den region.

Ta opvio ku e vírùs di corona ta na Boneiru tambe. Salubridat Públiko ta konsehá siudadanonan pa tene distansia sosial i laba man regularmente pa prevení infekshon. Ta konsehá hendenan ku keho ku ta mustra riba COVID-19, pa via 0800-0800 mèldu nan mes pa un tèst.

Skyview Bonbaire Gezaghebber 21122016 Img 04001 2

Related posts

Detenshon pa violashon di lei di arma di kandela BES

EA News Author

For di diahuebs awo ta permiti pa solamente parkeer den parkeerplaatsen nobo na aeropuerto FDR

EA News Author

Aksidente di tres auto riba Kaya Julio A Abraham Blv

EA News Author

Leave a Comment

Whatsapp Message