FeaturedLocalAruba Turismo

A.T.A. Orguyoso cu Avance di Aruba One Happy Pass

Ronella Croes Ahp Pr

Asegurando un experiencia digital innovativo y facilita  

Den aña 2022, Oficina di Turismo (A.T.A.) a uní na e proyecto innovador di Aruba One Happy Pass, den colaboracion cercano cu Ministerio di Turismo, Indicio, SITA, Departamento di Imigracion di Aruba, Aeropuerto di Aruba, y Departamento di Aviacion Civil.

Un proyecto caminda cu A.T.A. ta contribui y participa activamente pa mehora e experiencia di bishitantenan na yegada na aeropuerto di Aruba. E implementacion di tecnologia biometrico facial ta facilita un yegada mas agradabel y eficiente pa e bishitante. 

Den su etapa piloto y cu pronto lo wordo lansa, Aruba ta bira e prome isla den Caribe pa ofrece un sistema innovativo y facilita, cu e meta pa mantene Aruba su posicion di liderazgo den e industria di turismo. Durante di e pandemia, Aruba a demostra di ta sigui innova como destinacio den Caribe cu introduccion di, entre otro, Aruba Health App, y colaboracion di JetBlue cu introduccion di Common Pass.

 

E vision tras di Aruba One Happy Pass ta pa facilita yegada di bishitantenan, alabes pa enfoca riba continuacion, desaroyo, y innovacion di e plataforma. 

“Nos kier yega na e punto caminda cu proveedor di otro servicionan, manera car rentals, hotels, of otro, lo wordo alerta di biaha riba yegada di e bishitante, pa asina por agilisa e proceso di yegada mas aun pa e bishitante. E idea ta pa e bishitante tin un experiencia asina integra, cu nan lo por ta na beach dentro di 30 minuut.” tabata palabranan di Chief Executive Officer di Aruba Tourism Authority, Ronella Croes

Related posts

Servicio Social Psikiatrico ta anuncia Cambio temporario den nan maneho diario

EA News Author

Gabinete wever-croes a encamina differente proceso pa garantisa integridad den gobernacion

EA News Author

Obra SPIRITO un obra di teatro “de novela”

EA News Author

Leave a Comment

Whatsapp Message