E kolaborashon bilateral entre Hulanda i Colombia a keda konsolidá mas aleu durante un bishita ofisial di Vise-Almirante Colombiano Grisales, Hefe di Operashonnan Naval Colombia, hasí na Defensa den Region Karibe i na Wardakosta Region Karibe. Durante e bishita e lasonan entre ámbos pais a keda konsolidá aun mas, tantu riba tereno di kòntròl di droga, operashonnan di búskeda i reskate i tambe entrenamentu militar.
E Almirate Colombiano a hasi un bishita di trabou na Base Naval Parera, Tereno di entrenamentu na Wacao, i riba Zr.Ms. Pelikaan, i a hiba kombersashonnan ku representantenan di Wardakosta Region Karibe i Komandante di Forsanan Naval den region Karibe. Un tópiko importante durante e bishita tabata e kontinuashon i refuerso di e kolaborashon.
Ambos pais ta suprayá e interes di operashonnan konhunto, treinen i eherisisonan. E ehersisio resién Estribo na Colombia, durante kua marinirnan Hulandes i Colombiano a trein huntu, ta ser mirá komo un ehèmpel eksitoso di kolaborashon operashonal. Den kuminsamentu di aña ya kaba a ehersé operashonnan konhunto. Pa kabamentu di aña benidero a plania un eherisio konhunto di Marina.
Un momentu importante durante e bishita tabata e firmamentu di un Akuerdo-SAR Operashonal (Search and Rescue/Búskeda i Reskate) firmá pa Komandante Walter Hansen. E akuerdo aki ta stipulá prosedura i liñanan di komunikashon fijo pa operashonan SAR konhunto den áreanan marítimo kompartí òf kontíguo. Ku esaki e seguridat riba laman ta keda ekspandé i e kolaborashon entre ámbos pais ta keda formalisá.
E bisihita ta suprayá e konfiansa mútuo i e esfuerso kompartí pa siguridat marítimo den Region Karibe. Reino Hulandes i Colombia ta keda traha huntu intensivamente na un región mas sigur i stabil.