Generacionnan nobo den politica bon pa Aruba of devastador pa Aruba?. Tur ciudadano cu a vota pa politico Gerlien Croes y Geoffrey Wever di FUTURO nobo lo bay biba e consecuencia devastator di no biba den un Pais liber y ta colonisa Aruba bek.
Kico esaki kiermen? Cu Aruba ta bay bou di e mannan di gobierno Hulandes cu na momento nos mester di un pen y of un gum mester bay na rudia manera prome cu 1986. Boneiro a biba esaki y awe Boneiro ta arepenti riba e decision aki y te dia di awe ta luchando pa haya un bos den nacionnan unda cu Fundacion “Nos ke Boneiro Bek ‘ di James Kroon ta luchando riba e decision devastador di 10-10-10 na Boneiro. Awe dos politico cu ta yama nan mes generacion nobo den politica cu ta bin caba cu Pais Aruba, unda kier bin hinca Aruba bou di Hulanda y perhudica Aruba. Abo votado sa di esaki ? Bo tabata consciente di esey na momento cu bo a vota?
Gerlien Croes y Geoffrey Wever no ta politiconan cu kier bringa pa Aruba pero kier placa placa placa y ta bende nan alma pa placa cu Hulanda kier ofrece. Na varios ocasion Gerlien Croes a vocifera esaki den diferente debatenan di kier e Rijkswet, pero manera un bon Arubiano nos ta mira bunitesa, pero no ta mira e diabel tras di e bunitesa. Ta mira e cara di lamchi di Geoffrey Wever pero no sa e berdadero falsedad tras di e bunitesa.
Pero Aruba ta bay paga pa esaki. EA news ta bay ta hopi fuerte, lo sigui tur desaroyo hopi di cerca y lo informa e comunidad di e berdad tras di cortina di e plan diabolico di Gerlien Croes y Geoffrey Wever pa elimina e status di Pais Aruba. Dos politico cu no sa unda nan cara ta para y ta bin pa causa hopi daño na Pais Aruba.
Gerlien Croes y Geoffrey Wever lo ta e destruccion di Pais Aruba cu ta cla pa hinca Aruba bou di Hulanda cu e unico meta pa haya placa. Dos politico hoben cu ta dos politico cu ta cana cu e mesun pensamento politico pa destrui Pais Aruba y colonisa e isla.
Sinembargo kico ta e pensamento di AVP den henter e proceso aki ta? Ta hopi interesante di sa di Mike Eman si e ta capaz di entrega e lucha di su welo y di su tata hunto cu e politiconan di generacion nobo Gerlien Croes y Geoffrey Wever cu ta hambra pa poder y placa , pa Aruba ? of pa nan saco?
Of cu pa prome biaha pa historia laga diferencianan politico un banda y MEP y AVP uni pa salba e independencia di Aruba. Manera Nel Oduber mes ta bisa , nos mester por uza e entiero di Henny Eman como e laso pa laga diferencianan un banda y wak e lucha cu Aruba tin su dilanti. Den e dianan nos dilanti ta bay ta dia di Betico, nos kier pa esaki ta e ultimo celebracion di dia di Betico ? of MEP y AVP lo madura nan mes politicamente y no permiti pa politiconan di generacion nobo destrui Pais Aruba y colonisa Aruba?
E paso di Mike Eman ta fundamental, of bo Pais of placa y traiciona bo propio welo y tata ? Den e desaroyonan nos dilanti nos lo sa kende berdaderamente ta politiconan cu ta lucha pa e pida baranca aki keda den libertad, cu su bandera,escudo,banco central, y su propio placa.