Aruba su Carnaval 71 a yega su final, un carnaval diferente, un carnaval cu hopi critica y un carnaval cu hopi cambionan a tuma luga. Cambionan kisas cu mester evalua si ta corecto y cu si berdad ta engrandece nos carnaval y of cu a kibra y minimalisa e entusiasmo pa forma parti di Carnaval.
Tambe pa varios aña caba e Carnaval no ta mustra un contenido di kico kier ilustra , pero si ta ilustra fantasia den color y elegancia esta pluma y kraaltjes. Durante aña Carnaval a cambia hopi di contenido pa sin contenido cu solamente color y “bunitesa” sin un proposito di kico ta representa, sin un mensahe di nos cultura mes, un pluma y un kraaltje sin contenido pa e ilustra no ta papia di nos cultura.
Banda di esaki tambe tin paradanan cu ta conoci pa añanan largo cu organisadonan ta haci esaki, pero e aña aki aparentemente debi cu SMAC ta cobra cada grupo pa por participa esaki a haci e gruponan dificil pa sigui, tin mas partinan cu SMAC ta cobra cu tur a forma parti di un Carnaval 71 no mucho grandi y tampoco no mucho apoya pa e pueblo completo , pero tampoco no promovi.
Organisadonan cu despues a keda cobra SMAC ta tuma e nomber over y e mes organisa esaki porehempel parada di Fantasia cu no ta originalmente di SMAC y parade di Luz na San Nicolas. Por a compronde cu lo por tin un caso cu lo wordo lanta contra di SMAC pa e echonan aki uzando nomber original di organisadonan. EAnews lo keda pendiente cu esaki tambe.
Banda di tur cos Aruba a celebra pero na mes momento pa otro aña ta importante pa uni y traha na bienestar general di Carnaval sigui crece y no bay atras.
