Diamars a finalisa tratamento di Ley di Presupuesto 2022 di pais Aruba unda a trata presupuesto di Ministerio di Asuntonan General, Innovacion, Organisacion Gubernamental, Infrastructura y Planificacion Teritorial como tambe di Ministerio di Finansa y Cultura.
Den su discrecion Parlamentario Alvin Molina, a elabora cu e ambtenaar, tin e deber pa duna su cliente e trato cu e merece y e unico manera cu e ambtenaar por duna un servicio optimal na su cliente, ta si e ambtenaar na su turno tambe ricibi un servicio optimal.
E ambtenaar merece ricibi su ‘bevordering’, ‘disciplinar’, un ‘opleiding’ y un vision den su trabou. En conexcion cu esaki, Parlamentario Alvin Molina a haci un peticion na Minister President, como presidente di Conseho di Ministro, pa hunto cu e otro ministernan percura pa optimalisa e servicio duna den e departamentonan di Gobierno.
Molina ta kere cu un servicio excelente, na cliente, riba tur nivel den Gobierno, y eventualmente na pueblo di Aruba, ta esencial pa di berdad nos logra pone ‘e ser humano central’. Parlamentario Molina ta kere cu ta importante pa nos pone mas atencion na ‘personeelszorg’. Percura pa nos hendenan ricibi loke nan merece. Alvin Molina a entrega un mocion unda ta urgi Gobierno pa haci un investigacion con por agilisa e procesonan pa garantisa un funcionamento optimal di Directie Recurso Humano DRH.
