DeporteFeatured

Hulanda a bay cas cu cara na laira no tabata un wega facil pa Argentina 3-4

Hulanda A Bay Cas Cu Cara Na Laira No Tabata Un Wega Facil Pa Argentina Front

Un ekipo yen di guerero (Croacia) a logra manda e faboritonan (Brasil) di Copa Mundial di Futbol cas diabierna den oranan di mainta y e Gauchonan di Argentina a elimina e faborito di mayoria di Arubianonan, esta Hulanda. Ambos wega a wordo dicidi via di penalty ora cu no a logra kibra e desempate den e tempo extra cu a yega 120 minuut.

Den e prome wega, cu a caba den tiramento di penalty, e hombernan cu a marca diferencia den un wega yena di drama y intensidad, tabata: Luka Modric y e keeper Dominik Livakovic, kende den su wega anterior a wanta tres penalty di Hapon.

E wega a caba e wega reglamentario 0-0 y den tempo extra Brasil (Neymar) a habri anotacion y Croacia (Modric) a sigui algun rato despues. Den e parti di penalty Rodrigo y Marquinhos a faya pa anota cu a costa Brasil su pase pa e siguiente buelta.

E wega Argentina vs Hulanda tabata uno dramatico ora cu despues di tabata perdi 2-0, a logra anota dos gol pa forsa tempo extra y despues bay den tiramento di penalty. Pero den penalty, e Hulandesnan a faya e dos prome penaltynan cu a afecta nan emocionalmente. Argentina a logra yega 5 gol prome cu Hulanda y asina a pasa pa e siguiente ronda.

Hulanda A Bay Cas Cu Cara Na Laira No Tabata Un Wega Facil Pa ArgentinaArgentina Vs HulandaPaises Bajos Hulanda.... 1Hulanda ScaledPaises Bajos Hulanda

Related posts

Por fabor stop di campaña un rato y ban atende urgentemente e situacion critico di criminalidad

EA News Author

E aña aki ta 47 aña cu Aruba su Himno y Bandera a keda inaugura den Wilhelmina stadion

EA News Author

Ariana Croes a Representa nos dushi Isla di Aruba pa prome Biaha den Historia den e Campeonato Sudamericano di Gimnasia Ritmica

EA News Author

Leave a Comment

Whatsapp Message