Aruba Bank, e banco pionero d Aruba, ta satisfecho di por a aporta un biaha mas na e torneo di golf caritativo di Kiwanis Club of Aruba, cu a tuma lugar na The Links Divi Aruba dia 26 di maart 2023.
Ademas di a aporta na e realisacion di e evento door di sponsor un “hole”, e banco a participa cu dos ekipo di golf di Aruba Bank y asina aporta na e meta pa recauda fondo pa obranan di caridad.
E ekipo a hunga un bon competencia y a pasa un rato ameno tur pa un bon causa. Nos ta contento di por a uni e talento “den cas” pa competi den un actividad comunitario deportivo cu un meta pa yuda recauda fondo pa obranan di caridad.
Un pabien na Kiwanis Club of Aruba cu un tremendo torneo y tambe na nos ekipo nan campeon cu a haci un bon trabou.
