E plan di Sustainable Development Goals agenda 2030 (Desaroyo Sostenibel of Bon Comun) ta un agenda pa e gobernacion global. E gobierno hulandes ta di acuerdo cu e plan di e agenda 2030 aki. Esaki ta e border landa ta djies ta obedece y duna esnan cu ta pidi asilo. Mas pio ainda nan ta haya frontera habri cual ta den e landspakket di Aruba tambe y ta subsidia stranhero placa di pagador di belasting hulandes. Cuanto placa e gobierno hulandes a malversa durante ultimo añanan di e pagador di belasting hulandes? Di con no tin investigacion? Nan ta miho cu e gobierno di Aruba sigur cu no? Danki Dios e pueblo hulandes a lanta for di soño y a cuminsa protesta. Aki na Aruba so nos ta drumi te ainda
Aruba a drenta Status Aparte cu debe cu na final di aña 2000 tabata casi 1 biyon florin. Aruba a su problema financiero a sali for di control ora a subi mercado internacional pa hasi prestamo atravez intermediario. For di 2001 pa 2017 pais Aruba a fia 3.2 biyon florin. Nos por corda e record di deficit den e presupuesto na 2014 di 444 miyon y esun esuna na aña 2020 tabata mas cu 1 biyon florin. Dunamis no!!!! Pais Aruba a haye ta paga doble interes pa via intermediario. E prestamo di 920 florin na 2020 tabata e ultimo clabo riba e caha di morto di e Status Aparte di pais Aruba.
Cambio na Aruba lo bini ora e pueblo realisa e berdad. Aruba ta wordo goberna pa interesnan aheno. Nos a bira esclavo di debe. Hopi di nos tin cu biba na e migaha, corda riba tur cen, sin cu nos ta realisa cu e gobiernonan di e ultimo 25 añanan aki a faya den demostra amor pa e pueblo. Un gobierno cu ta stima su pueblo no ta masacra su pueblo cu belasting (52%).Ta malgasta placa di pueblo sin piedad, y ora e placa caba, ta hinca man den saco di pueblo. Esaki ta e manera di goberna di un gobierno socialista. Pueblo mester bira pober. Tira culpa riba e gobierno anterior hisa prijs riba tur cos pa gobierno tin mas placa pa gasta. Na 2008 prijs di crudo a jega 147 dollar pa bari y gasoline tabata entre awg.2.39 pa awg.2.48 pa liter. Awe e record ta awg.2,90 pa liter y e prijs di crudo ta bao di 100 dollar pa bari.
Miyones a wordo malgasta den Fase caminda te cu asta hende morto a cobra. Te awe ningún investigacion y tur hende ta keto. Hospital a hinca miyones y tarda 10 aña riba un renovación. Tur hende ta keto. Colombia den un siman cu e gobierno a sinta a entrega 88 punto di corrupcion na fiscal pa investigacion.
A pusha pueblo cu e vacuna durante covid cu ta un veneno (arma biologico) y asina pa cumpli cu acuerdo di reduci poblacion di Aruba. Te awe gobierno a keda keto y laga su pueblo muri. Esaki ta e gobierno cu ta traha na bienestar di salud di su pueblo. Na 2024 statstiek ta mustra 1022 baby a nace y 840 fayecimento. Gobierno a laga hasi un estudio? E respuesta simplemente no. Na aña 2025 a muri mas hende cu 833 y a nace 824. Mundialmente a declara e vacuna di covid un arma biologico. E meta principal ta cu den diferente manera reduci poblacion mundial.
Gobierno no ta hasi nada paso den cuadro di e Sustainable Development Goals agenda 2030 for di 2001 te awe gobierno ta acuerdo cu e plan y a haya miyones na supuesto ayudo den cuadro di e plan aki. Esaki ta e organización cu dicidi pa e gobierno. Pesey no ta permiti referendum paso pueblo su voz a wordo silencia. Habri frontera laga stranhero bin biba riba bo país y haya tur derecho. Hulanda ta un ejemplo cla den esaki. E illegalnan si no ta vacuna. Ora bo a vacuna más cu 80% di población cu e veneno kiermeen cu mas hende di e población lo fayece y ta wordo remplaza cu stranhero. Na Europa tin más hende cu ta muri cu tin hende cu ta nace y tur esaki ta danki na gobierno cu ta laga mata su mesun pueblo. E persona cruel pero ta e realidad cu nos mester biba cu ne.
Bai di acuerdo cu HOFA paso lo haya un interes mas abao pero di otro banda hinca e curason di pais Aruba den man di esun cu tin bo como colonia. MIentras tin un otro manera cu por baha e deficit di pais Aruba y pidi exoneracion di debenan cu pa añas a wordo paga.Tur esaki ta den cuadro di World Economic Forum paso pueblo mester ta pober pa ta contento.
E gobierno aki lo papia bunita y gaña pueblo y lo no laga hasi ningún investigacion paso e minister cu tin e finanzas di pasi Aruba den su man a sali for di gobierno anterior y tabata esun cu tabata tin e cartera di Sustainable Development Goals. Tur ley den ultimo tempo ta den cuarda cu e agenda 2030. Kiko e ta encerra pa pueblo perde su libertad.
Casnan na Balashi y esun cu kier traha Burundo tur ta den cuadro di e agenda 2030 y nan ta jama nan Smart City. Aruba su gobierno y parlamento ta na rudiya di e agenda 2030. No tin ningun partido politico ta salbaguardia interes di Aruba su pueblo paso tur ta socialista/comunista. Si Dios no ta den nos gobierno anto ta ken ta den nos gobierno? Nan por tin Dios den nan boca pero den nan curason no tin espacio pa Dios. E agenda 2030 ta contra di Dios y yuinan di Dios. Bo no por brasa satanás y brasa Dios na mesun tempo. Pueblo di Aruba mester dicidi pa libertad of sigui pa ta catibo. Lo bai tin dianan scur y scarsedad di cuminda. Lo bai tin lockdown atrobe. Un cos ta sigur mundo lo bai conoce e dia terrible di bengansa di Dios pa tur e maldadnan cu tin. Tempo di Dios ta perfecto.
Eric Ras