Aruba Lions Club cu pa mas cu 75 aña ta sirbi nos comunidad cu diferente projectonan, un biaha mas hunto cu e universidad di medicina na Aruba cu ta Xavier University, ta organisando un dia pa control di sanger.
Manera ta custumber e dos organisacionnan aki pa algun tempo caba trahando hunto riba projectonan di salubridad, diasabra 18 di November cuminsando pa 9or di mainta te cu 1or di merdia, ta warda pueblo engeneral, adulto y tambe muchanan ta bon bini na Xavier University na Sta Helenastraat 23, unda lo por hasi control di suku, cholesterol, preshon, tambe tin evaluacion di nutricion, y lo por ricibi conseho riba un di e topiconan aki.
Tur esaki lo ta completamente gratis y informacionnan tambe lo wordo duna riba diferente otro temanan di salud.
Aruba Lions Club hunto cu Xavier University cu nan miembronan voluntario, ta warda un y tur pa asisti na e actividad aki pa bo propio salud caminda cu ta ofrece e informacion y concientisacion pa un bida mas saludabel.
