Aruba Birdlife Conservation (ABC) a lansa un yamada fuerte y urgente na e comunidad di Aruba. Mientras cu e desaroyo economico ta sigui su curso acelera, nos simbolo nacional, e Shoco, ta enfrentando un bataya mortal pa su sobrevivencia. E presion di over-tourism, construccion iregula y falta di educacion ambiental ta pushando nos naturalesa contra muraya.
Segun ABC, e menasanan ta bin di tur banda. No ta trata solamente di e pander di habitat, sino di un falta di regulacion den e sector di aventura y actividadnan “off-road” manera UTV y ATV. Hopi operador di tour no tin e conocemento of e respet necesario pa e medio ambiente, locual ta resulta den un impacto directo riba e fauna local.
E punto di dolor mas grandi ta keda e falta di un curiculo nacional di naturalesa den nos scolnan. Sin educacion, no por tin aprecio. Aruba Birdlife Conservation ABC ta señala un realidad amargo, hopi biaha ta duna mas importancia na e ceremonia di un proyecto di infrastructura cu na e prevencion di extension di un especie cu ta biba solamente cerca nos.
“Esaki ta un gap evidente ora cu milestonnan di concreto ta pisa mas cu e bida di nos animalnan nacional,” ABC a declara, enfatisando cu e falta di fondo y di personanan cu berdad ta importa ta haciendo e trabou di conservacion cada bes mas dificil.
E realidad den e clinicanan ta keda un prueba bibo di e crisis aki. Actualmente, seis Shoco ta bao cuido medico intensivo, luchando pa nan bida. Lamentablemente, hopi otro no a logra. Recientemente a registra tres perdida tragico: dos Shoco a fayece tras di a wordo alcansa pa vehiculo, y un di tres a muri pa motibo di veneno.
Un bos pa esnan cu no tin bos
Aruba Birdlife Conservation ta reafirma nan compromiso di ta e bos di e Shoconan. “E Shoco no por papia pa su mes. Nos lo sigui para fuerte pa nan proteccion caminda cu sea necesario.”
E mensahe final na e pueblo di Aruba ta un yamada na accion inmediato:
“Aruba, ta ora pa spierta. Ta ora pa mustra respet, conocemento y amor pa nos mundo natural. Por fabor, cuminsa awe mes prome cu ta demasiado laat.”
E lucha aki, segun ABC, no ta solamente pa e paranan, sino pa e futuro generacionnan. “Nos ta haci esaki pa e yiunan di Aruba.” Un gradicimento special ta bay na tur e personanan y instancianan cu si ta trahando incansablemente pa proteha nos naturalesa naciona
