Minister Gerlien Croes a papia di a caba di introdusi e prome projecto di educacion personalisa na Aruba, loke ta informacion erroneo. Ex minister Lampe a lanza na 2018 caba e Plan Educacion Nacional 2030 cu tin como titulo “Educacion personalisa den e era digital”. E prome proyecto di educacion personalisa a keda realiza ya na 2020 cu e lansamento di e scol Aruba Adventist Academy na San Nicolas, sigui pa e proyecto Educampus na Playa y despues plataformanan digital a drenta EPB y Mon Plaisir ciclo básico na 2021. Hopi alumno deportista ya a scoge pa studia na Educampus, ya cu nan por sigui cu nan training na e ora cu nan kier y nan por biaha den exterior pa deporte cualke momento y toch sigui cu e lesnan formal via un plataforma digital. Tanto Aruba Adventist Academy como Educampus ta ofrece un high school diploma. PEN 2030 su plan ta cu tur scol mester bai over na implementa ideanan di educacion personalisa, pesei ex minister Lampe a introdusi e maneho di “niet blijven zitten”, unda cada alumno ta studia segun su ritmo, pero cu a haya tanto resistencia. Den pasado ex minister Lampe a introdusi educacion personalisa y e futuro ta educacion personalisa.
Atrobe Gerlien Croes ta duna informacion incorecto, segun Red Democratico
