Di 10 pa 15 di novèmber 2025, Art Culture Education Foundation (ACE) ta organiaá un siman yen di músika, ritmo i kreatividat. E siman ta hiba di título Aventura ku Ritmo. E artista konosí di Kòrsou, Tio Ali, lo ta na Boneiru pa inspirá mucha, maestro I lider di akohida despues di skol ku e método Entertain to Educate.
Durante e siman lo tin tayer i presentashon interaktivo pa mucha entre 4 i 12 aña, kaminda ritmo i poesia ta uni. Huntu ku esaki ta bai tin entrenamentu pa maestro i lider di akohida kon por uzá ritmo pa hasi siña I lesamentu dushi I interesante.
Ku e proyekto aki, ACE ke mustra ku edukashon i dibertishon por kana huntu. Pa hopi aña ACE a bin ta traha riba proyekto ku ta kombiná arte, kultura i edukashon. Ku bishita di Tio Ali, Boneiru ta risibí un oportunidat úniko pa eksperensiá e método kreativo aki.
Lugá i programashon di e siman lo wordu anunsiá pronto.
Skolnan i akohida despues di skol por registrá te ku 5 di oktober 2025 via EKADKBonaire@gmail.com òf yama na 790 0155.
Press release: EKADK Bonaire