Importante: Ora bo tin keho bai tèst, asta ora bo tin keho leve manera fèrkout, doló di garganta anto keintura.
Awe 19 di febrüari 2021 tin 22 kaso aktivo di Covid-19 na Boneiru. Di e kasonan aktivo, unu ta bishitante di Boneiru. Di e 18 personanan ku a tèst 5 a resultá di ta positivo. Di kuater persona ku a tèst positivo e fuente di kontagio ta konosí. Un persona a rekuperá. No tin niun persona mas den hospital pa motibu di Covid-19.
Ta importante pa ora bo tin keho bai tèst. Hasi un tèst si bo tin keho. Importante ta pa keda warda den karentena. No sali pa bo no kontagiá otro persona. Pa baha e sifra di kontagio ta importante pa mantené e reglanan di higiena, manera tene 1,5 meter distansia i laba man ku awa i habon pa evitá kontagio ku e vírùs di corona.
Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rondó di bo.
#PreveníCorona #coronaBonaire #coronaBoneiru
