Biblioteca ta yama tur mucha bon bini den vakantie grandi! Durante vakantie escolar biblioteca ta pasa, tur siman, un pelicula (Cartoon) riba e screen grandi den su teatro den Aire liber. Tanto na biblioteca na Playa como su sucursal na San Nicolas. Ademas di esaki tin tayer pa mucha pinta un T-shirt. Tur actividad ta completamente gratis. Nos ta pidi mayor pa trece nan yiu biblioteca pa busca buki pa lesa durante vakantie. Miembrecia pa mucha y hoben bou 18 aña ta gratis. Pa mas detaye manera fecha y ora, por bishita website di biblioteca of Facebook.
Riba programa di pelicula den aire liber tin: Moana 2, Zootopia 2, The Super Mario Galaxy movie y Hoppers.
Biblioteca tambe ta participa den e programa vacacional di Buki di Pret. A reparti e bukinan na tur scol basico. E actividad di biblioteca den e programa aki ta 2 tayer pa pinta bo mes T-shirt. Un tayer na Biblioteca Oranjestad y otro na Sucursal San Nicolas. Cupo ta limita, asina ta mayornan, inscibi e yiu pa e no perde e chens aki!
Pa esnan cu ta interesa pa descubri algo nobo y diferente, ta ofrece un bunita exposicion di Velvet Zoe Ramos cu ta den sala di actividad na Biblioteca Oranjestad.
Biblioteca ta ofrece miembrecia gratis pa baby, mucha y hoben bou 18 aña. Esaki ta habri un mundo di buki, storia y informacion den diferente forma, tambe Ebooks y audiobooks. Miles di buki ta warda pa e mucha y hoben bin descubri y explora! Tambe biblioteca ta ofrece espacio pa studia, siña, topa y reuni, computers cu Internet y Free WIFI. Ademas tin espacio pa diferente evento y exposicion. Biblioteca ta habri di dialuna pa diabierna. Biblioteca tey pa bo tambe!
