E programma di estudio acredita desde 24 di Maart 2017 “Social work and Development” a cumpli ya 10 aña y ta forma parti di e curiculo di Universidad di Aruba. Un programa di orientacion tanto profesional como di investigacion cu ta prepara e alumno pa traha den e tereno social, algo cu sigur tin un necesidad amplio na nos pais.
Un di e prome personanan cu ta den su finalisacion di e cuater aña di estudio, ta Thalina Willems y ta terminando su estudio di specialisacion den co-ouderschap na Aruba.
Despues di varios investigacion, Thalina Willems lo presenta y defende su afstudeer thesis. Un programa na unda entre otro ta desaroyando un plataforma online pa facilita mayornan pa tuma e stap di un manera profesional y coordina pa co-ouderschap.
Michella Steenvoorde Lacle, como Presidente di cie.Voortgezet Ouderschap y trekker di e proyecto di ley pa Plan di Mayor Obligatorio, a wordo acerca pa Thalina Willems, pa a traves di un charla na Universidad di Aruba bin splica kico ta encera e Plan di Mayor Obligartorio, pero tambe pa splica over di e trabounan ya haci y e trabounan pendiente.
E programa ta constantemente den desaroyo pa e wordo mehora y ahusta na e temponan actual y sigur ta yuda den e formacion pa yuda capacita personanan na momento di implementa e co-ouderschap.” Michella, candidato 27 riba e lista di MEP ta enfatisa.
Mi ta orguyoso y agradecido na Thalina Willems pa e invitacion. Thalina, no ta desconoci den e ramo aki, ya cu e ta bin for di e area di Recurso humano, na unda el a funciona cu un curason grandi pa comunidad y servicio publico. Un dama cu preserverancia, mama di dos jiu cu ta mira e necesidad di profesionalisa su mes pa yuda su pais.
Un di e puntonan di enfoke sigur di e Programa di Gobernacion di MEP, ta e evaluacion y introduccion di un Bachelors Degree Program amplio, den mas ramonan di estudio cu Universidad di Aruba no ta ofrece. Ampliando e cantidad di facultadnan na Universidad di Aruba lo crea mas facilidad pa studia na Aruba mes.
Enseñansa ta clave den formacion di un comunidad. Percurando pa cambio, adaptacion y creacion di diferente ley di enseñansa pa garantisa implementacion di PEN 2030, den consulta constante cu docentenan, lo ta e solucion”, Michella Steenvoorde Lacle ta termina enfatisando cu e restructuracion ta e necesidad.
Mi ta desea Thalina Willems hopi exito pa cu su Master y di curazon mi portanan semper ta habri pa yuda na unda cu mi por. Exito!
Pa mas informacion tocante Plan di Mayor Obligatorio bishita mi website www. http://www.michella.org of Facebook MichellaSteenvoordeLaclecandidato27MEP.