Dia di Boneiro Aruba no ta falta pa celebra esaki. Dia di Boneiro tabata dia 6 di september ultimo na Boneiro y na Aruba semper ta celebra esaki un siman despues, pues diadomingo awo dia 14 di september na centro di bario Dakota lo ta bay tin un celebracion grandi di dia di Boneiro.
For di 9:30 di mainta lo tin un acto protacolario unda minister , diputado y gezaghebber di Boneiro cu lo ta na Aruba pa asina celebra cu e comunidad Boneriano biba na Aruba “Dia di Boneiro” e parti aki ta solamente pa e invitadonan , pero pa publico lo cuminsa pa 12 or di merdia e fiesta mes ta cuminsa unda cu ta bay tin bendemento di cuminda crioyo, pero loke cu no ta falta na un fiesta di Boneiro ta e banda, ta bay tin Robert Maduro , Rincon Boys , grupo eso di Boneiro, grupo tutifruti, grupo mascarada, Koor di koromoto. Asina por keda menciona diferente gruponan cu ta bay keda trece ambiente henter e dia. Lo tin un total di 10 pa 15 tent di cuminda, pero e aña aki a dicidi di haci e tentnan internacional, lo tin cuminda tipico crioyo di Boneiro, pero tambe lo ta bay tin diferente otro tipo di tentnan di diferente culturanan den nos Pais.
Den oranan di atardi pa clausura den careda di 5 or di atardi lo prepara pa bay wapa den e cayanan di Dakota. Lo wapa cu musica y lo pasa den tur e cayanan di Dakota cu dushi ambiente y musica , pesey un y tur ta bon bini diadomingo awo for di 12 or di merdia.