Despues cu Hurista Jayburtt Dijkhofff a Sali publicamente y a haci su denuncia publicamente di otro banda minister di Salubridad Publico Mervin Wyatt Ras tambe a duna su declaracion publico. Sinembargo e candela a cende y Hurista Jayburtt Dijkhofff no kier tolera inhusticia mas cu ta pasando bou di e mundo medico. Riba e pagina di facebook di Jayburtt Dijkhoff, PhD tabatin un reaccion na momento cu e mandatario di salud a reacciona y na mes momento ta manda e mensahe bek unda cu nada cu a ser publica a ser desmenti tampoco. E relato di Jayburtt Dijkhofff ta bisa lo siguiente:
Ayera Pueblo por a tuma nota di mi discurso publico como un ciudadano preocupa pa nos pais. Medio di comunicacion ta yame “un denuncia publico” y a bira viral, pasobra a yega ora pa expone e cartel y combati corupcion. Ricibi aki copia di e carta habri na Minister di Salubridad (como potret akibou).
E Cartel a spanta y a pone Minsiter reacciona mesora, pero akinan tin 3 punto di remarca!
Minister NO a desmenti cu e Cartel ta existi. Ra, ra, ra , ta con por ta?
Minister NO a contesta tocante e tema y e preguntanan, pero a dicidi di atacami personalmente. Cu mi sa un Minister no ta ataca un ambtenaar saliente y un ciudadano comun. Minister a batisami como politico? Ta kico mester pensa aki!
Minister ta tildami di fayo di integridad, pero lagami splica precies kico Minister a haci aki pa tur hende compronde.
Un Minister NO por divulga informacion personal di un ambtenaar /trahador bou di dje, pasobra:
Esaki ta un violacion di e derechonan di privacidad di e trahador publico. Ley y hurisprudencia ta prohibi esaki. Minister no tin abogado pa consehe?
Unico persona cu por duna permiso pa esey ta Gobernador, kiermen politicamente Minister a comete un infraccion gubernamental.
Door di revela informacion confidencial di otro persona cu ta traha bou di dje, ela haci un violacion di e principionan di BON GOBERNACION, entre otro e principionan cu yama na Hulandes “zorgvuldigheid en fair play”.
No solamente Minister ta pone nos pensa e ta sigui defende e Cartel, pero tambe su comportacion como voorbeeldfunctie maximo, por wordo cualifica como lo siguiente (na Hulandes:)
– “Onrechtmatig handelen (schending privacy & goede naam).
– Schending ambtelijke rechtspositie (LMA).
– Misbruik van bevoegdheid, want het doel is louter politiek”.
Mi tin full e derecho di demanda minister den Corte, pero mi ta duna minsiter un chens pa RECONSIDERA su actonan y mustra pueblo si di berdad e ta para pa INTEGRIDAD of pa e CARTEL.
By the way, si bo papia cu bo hefe cu bo tin pensa di kita for di trabou fin di luna, anto bo a post ago riba Facebook pa test e interes prome cu bo lanta cualkier compania, esey ta hustifica nan mandabo cas pa “conflicto di interes”? Si mi haya mas cu 500 like, mi lo traha un video di conflictonan di interes den gobierno! Asina nos lo wak ta cuanto midi tin!
Pa esunnan cu a perde: Ata aki e denuncia publico y bou dje e falta di integridad di minister cu NO ta contesta y actua conforme Landsverordening openbaarheid van bestuur. Minister, reconsidera bon. Pueblo ta mira!
Silencio ta alimenta corupcion. Aruba merece miho.
P.S. Si bo ta interesa pa sa mas con pa combati corupcion of kier sostenmi den e causa, considera join mi curso “E yabinan di poder”. Informacion por haya aki:
www.jayburttdijkhoff.com
