Biblioteca nacional tin un anochi cultural y ta invita e pueblo di Aruba pa bin disfruta di un anochi special. Riba e anochi aki lo duna homenahe na dos baluarte di cultura di Aruba, esta Banchi Koolman y Roberto Orman. Diahuebs awo dia 11 di september pa 7 or di anochi bini uno bini tur pa duna homenahe na dos persona cu for di chikito a carga e cultura di Aruba. Nan a duna tur loke cu nan tabatin di curason pa Aruba, pesey mes Biblioteca Nacional ta duna homenahe na nan como culturista di nos Pais. E programa di anochi ta bay ta hopi bunita, mayoria di e gruponan tipico lo bin delita y trece un ambiente y recuerdo na tur esunnan presente unda cu Banchi Koolman y Roberto Orman tabata delita rond Aruba den diferente gruponan tipico. Awe e gruponan aki ta duna bek y di e manera aki ta duna danki na nan cu a contribui na Aruba su cultura.
Diahuebs awo biblioteca nacional lo duna dos homenahe na dos baluarte di cultura
