Hermano Mirlo, e barku nobo di e flota di e kompania Don Andres, ta e promé barku ku a mara na e parti nobo di waf Nello Craane. Gezaghèber Edison Rijna tabata presente djabièrnè mèrdia na waf pa mira kon e barku di karga ta mara i saludá e kapitan.
Manera ya ta tradishon den mundu marítimo, Gezaghèber Rijna a entregá un bandera di Boneiru na Kapitan Willkelly Marcano. Ta promé bes ku Hermano Mirlo a bini Boneiru. Hermano Mirlo ta e di tres barku di e kompania i lo trese karga regular Boneiru.
