CuracaoFeatured

Binti agente nobo pa Wardakosta Karibe Hulandes

Best Boker 2021 Mr. Baxter From Sxm....

Despues di a finalisá ku éksito un estudio di un aña, djabièrnè último binti aspirant a risibí nan sertifikado i diploma di agente Polisial Ekstraordinario (BAVPOL), for di man di Direktor di Wardakosta di Karibe Hulandes, Frank Boots i Alpha Falbru, Direktora di ‘Opleidingsinstituut Rechtshandhaving en Veiligheidszorg (ORV). E aspirantnan a risibí e diploma i sertifikado durante un seremonia na Marinebasis Parera. Awor e aspirantnan ta agente di Wardakosta kompletamente desaroyá i establesé i nan ta bai reforsá e basenan di Wardakosta na Kòrsou, Sint Maarten i Aruba.

E aspirantnan aki a kuminsá ku e estudio Básiko di Wardakosta, e ‘Basis Opleiding Kustwacht’ (BOK) na ougùstùs 2021. Durante e kuater simannan despues nan a risibí nan formashon. E asina yamá periodo ‘Samen Sterk’ durante kua nan a keda di tèst tantu mental komo fisikamente. Despues di e simannan di formashon a kuminsá e sobrá di e formashon BOK i entre otro nan a risibí lèsnan básiko di habilidat di tiru, habilidat nóutiko, habilidat di temanan hurídiko i prosidimentunan di embarke. E aspirantnan a haña bastante retonan físiko, mental i teorétiko i awor ta kla pa protehá i yuda e komunidatnan.

Durante e seremonia tantu Direktor di Wardakosta, Frank Boots komo Alpha Falbru di ORV, a dirigí nan mes na e agentenan. Kasi un aña e aspirant nobo nan a antisipá e dia aki. Despues di a lucha duru i pasa periódonan largu for di kas, awor nan por selebrá nan logro. E diplomanan a yega i awor e trabou na Wardakosta por kuminsá. E agentenan nobo dentro di poko ta bai e puntonan di sosten di Wardakosta kaminda huntu ku otro agente di Wardakosta nan lo bai traha riba laman.

Binti Agente Nobo Pa Wardakosta Karibe Hulandes3Binti Agente Nobo Pa Wardakosta Karibe Hulandes4Binti Agente Nobo Pa Wardakosta Karibe Hulandes

Related posts

ARUBA: Bo idioma PAPIAMENTO tin poder

EA News Author

Ronella Croes – CEO ATA, documentario 1 aña Landspakket

EA News Author

Ministerio di enseñansa y ministerio di husticia y asuntonan social a ricibi presentacion preliminar di e investigacion tocante calidad di bida di e hobennan na Aruba

EA News Author

Leave a Comment

Whatsapp Message